Deportes

Forman parte da ducia de convocadas, dúas xogadoras do Burela, Claudia Rodríguez e Lola Muñoz; dúas do Castro, Irene Suárez e Antía Corral, e unha do Ribeira, Mara Fiallega.

Forman parte da ducia de convocadas, dúas xogadoras do Burela, Claudia Rodríguez e Lola Muñoz; dúas do Castro, Irene Suárez e Antía Corral, e unha do Ribeira, Mara Fiallega.

A Selección Galega sub 16 feminina despediuse este xoves do Campionato de España de fútbol sala que se celebra en Murcia tras caer en semifinais ante a potente Andalucía (2-6). As nosas non puideron facer fronte ao elenco andaluz, que se mostrou superior durante todo o partido para acabar asinando a clasificación para a gran final.

Entre as xogadoras galegas, cinco son da provimncia de Lugo, dúas xogadoras do Burela, Claudia Rodríguez e Lola Muñoz; dúas do Castro, Irene Suárez e Antía Corral, e unha do Ribeira, Mara Fiallega.

Andalucía encarrilou a eliminatoria xa durante a primeira metade, debido a que se marchou gañando 0-3 ao descanso. Con todo, e pese ao pau, o equipo preparado por Bea Seijas non tirou a toalla e asumiu riscos na segunda metade, aínda que sen o resultado agardado.

Malia todo, Galicia logrou meterse de novo no choque anotando o 1-3 nos primeiros compases da reanudación, aínda que Andalucía non deu opción á reacción galega e acabou metendo a directa para sentenciar o enfrontamento.

Demasiado castigo para as nosas, que loitaron ata o final. A selección sub 16 feminina certificara o billete para as semifinais do Campionato de España de fútbol sala tras superar a Castilla La Mancha na quenda de penaltis e despois dun partido (4-4) que foi unha auténtica montaña rusa. Anteriormente tiña colleitada unha goleada no seu debut ante o Melilla por 13-0, polo que pasou como primeira de grupo.