A unidade móbil de doazón de sangue está este luns en Meira

O vehículo prestará servizo na praza Maior, ao carón da parada de taxi

Camión da doazón

A unidade móbil de doazón de sangue estará este luns, 27 de maio, no concello de Meira para recoller as doazóns dos veciños que así o desexen maiores de 18 anos e con máis de 50 quilos de peso.

O vehículo prestará servizo entre as 10.00 e as 14.00 horas e entre as 16.00 e as 21.00 horas na praza Maior, ao carón da parada de taxi.

O servizo lembra que para doar sangue hai que almorzar e despois de xantar esperar dúas horas. Hai que presentar DNI ou documento similar ou no seu caso tarxeta de doante.