A veciñanza das Pontes fará unha alfombra floral polo Día da Música

As persoas interesadas en participar, poden achegarse a partir das 17:00 horas, ao local social de Cáritas

O día 23 de novembro, con motivo do Día Internacional da Música, que se celebra o 22 de novembro, a Coordinadora Internacional de Entidades de Alfombristas Arte Efímero, en colaboración co Concello das Pontes, elaborará unha alfombra floral para conmemorar esta efeméride na praza de América, a partir das 11:30 horas.

Con tal motivo, desde o día 12, estase a realizar un obradoiro para realizar algúns traballos previos.

As persoas interesadas en participar, poden achegarse a partir das 17:00 horas, ao local social de Cáritas para colaborar na confección dos traballos.

Non é precisa inscrición previa.