A veciñanza de Guitiriz terá un curso para aprender a usar os caixeiros
TerraChaXa
Guitiriz ofrece un curso para aqueles interesados en aprender a usar o caixeiro que se fará na Casa Habanera o mércores.
curso caixeiro paramo
14 Nov 2022
Dando resposta as peticións dos maiores que ven limitado o uso do caixeiro ao non ter os coñecementos adecuados para levar a cabo as diferentes operacións e debido á redución das oficinas bancarias, o Concello de Gutiriz ofrece un curso sobre o manexo seguro dos caixeiros. Esta formación será o vindeiro 16 de novembro ás 10.30 horas na Casa Habanera.
Con esta iniciativa estase dando resposta a unha demanda dos veciños que poderán facer uso de maneira sinxela deste aparello bancario.
O curso está enmarcado no Programa de Educación Financeira no que se ensina a usar os caixeiros para facer as operacións máis habituais en calquera momento.
