Abadín acolle un curso de primeiros auxilios pediátricos

Os obxectivos do curso céntranse en adquirir coñecementos básicos sobre o manexo de situacións que requiran actuación de primeiros auxilios básicos nos pequenos

Abadín acolle un obradoiro de primeiros auxilios pediátricos dirixido a mulleres maiores de 18 anos que terá lugar no salón de actos da casa consistorial da localidade o 26 de outubro de 9.00 a 14.00 horas.

Os obxectivos do curso céntranse en adquirir coñecementos básicos sobre o manexo de situacións que requiran actuación de primeiros auxilios básicos nos pequenos e en aclarar dúbidas referentes os primeiros auxilios.

Falarase sobre idades, morte súbita, obstrucións das vías, intoxicacións, picaduras, erupcións, shocks, convulsións e alerxias entre outras moitas cousas.

As inscricións poden realizarse no 619 331 655 e no 653 218 275.