Abadín celebra o día 28 a Festa da Xuventude
![abadin_xuvenutde](https://terrachaxa.com/wp-content/uploads/2018/04/abadin_xuvenutde.jpg)
O Concello de Abadín celebrará o día 28 de abril a segunda edición da Festa da Xuventude, na que haberá música, xogos e un xantar popular.
A festa terá o seu inicio ás 14.00 horas cunha sesión vermú a cargo da orquestra Palladium, que amenizará tamén o inicio do xantar popular, que estará a cargo de Cátering Rochela.
No menú desta comida figuran xamón cocido, polbo, churrasco con criollos, postre, café e chupito. Para os adultos, o prezo do xantar será de 21 euros, mentres que os rapaces entre 7 e 11 anos deberán abonar 10,50 euros. Os interesados en participar nesta xuntanza gastronómica poderán retirar o seu tícket ata o 20 dea bril.
Tras o xantar haberá animación musical a cargo do Dúo EPO-K, así como xogos para os pequenos a cargo de Puzzle Animación e hinchables.
Pola noite e como fin de festa haberá dobre sesión de verbena coa actuación das orquestras Palladium e Xacobeo.