Abadín contará cun obradoiro contra a violencia de xénero para 25N

A cita será no salón de actos do concello, ás 12:30 horas, a cargo de Blanca Villares

O Concello de Abadín organiza unha actividade especial para conmemorar o Día Internacional contra a Violencia de Xénero, o próximo 25 de novembro. A cita será no salón de actos do concello, ás 12:30 horas, e contará cunha charla-concerto didáctico a cargo de Blanca Villares.

Este acto ten como obxectivo reflexionar e concienciar á veciñanza sobre a importancia de loitar, conxuntamente, contra a violencia de xénero. A combinación de música e palabra permitirá transmitir unha mensaxe de sensibilización e apoio á igualdade e ao respecto.

Desde o Concello animan a toda a cidadanía a participar nesta xornada, destacando a relevancia de sumarse a iniciativas que promovan unha sociedade libre de violencia.