Abadín investirá remanentes do Plan Único do 2021 en acondicionar outros camiños

A Xunta de Goberno autorizou a solicitude do Concello de Abadín, para poder realizar novos investimentos con remanentes do Plan Único.

A Xunta de Goberno autorizou solicitudes de dous concellos da provincia, Sarria e Abadín, para poder realizar novos investimentos con remanentes do Plan Único de Cooperación cos Concellos 2021 da Deputación.  

Con respecto a Abadín, o Concello investirá preto de 30.000 euros en acondicionar camiños nas parroquias de Abeledo, Corvite, Moncelos, Romariz e Seivane de Vilarente con fondos achegados pola Deputación do Plan Único 2021.