Aberto o prazo de solicitude para o comedor da EEI de Vilalba ata o 30 de xuño
O Concello de Vilalba informa da apertura do prazo de solicitude de praza para o comedor escolar da Escola de Educación Infantil (EEI) de Vilalba, un servizo municipal que se presta a través da Concellería de Servizos Sociais co obxectivo de facilitar a conciliación das familias con nenos e nenas no centro.
As persoas interesadas poderán presentar as súas solicitudes ata o 30 de xuño, incluído. Os formularios estarán dispoñibles tanto na propia EEI de Vilalba como no Departamento de Servizos Sociais do Concello.
A documentación poderá entregarse no Rexistro Municipal ou a través da sede electrónica do Concello de Vilalba, segundo a preferencia das familias. Desde o goberno local lembran a importancia de cumprir os prazos establecidos para garantir unha correcta organización do servizo de cara ao vindeiro curso escolar.