Abre o luns o prazo para inscribirse no segundo cuadrimestre da UNED Sénior
TerraChaXa
Está dirixido a persoas maiores de 50 anos independentemente da súa formación e ofertaranse de novo as materias de música e inglés
11 Jan 2026
A aula do Concello de Guitiriz da UNED Sénior da Coruña abre o luns, 12 de xaneiro, o prazo para inscribirse no segundo cuadrimestre do curso 2025/2026. O prazo estará aberto ata o próximo 28 de xaneiro.
A UNED Sénior está dirixida a persoas maiores de 50 anos independentemente da súa formación e ofertará de novo para este segundo cuadrimestre as materias de música e de inglés.
Todas as persoas interesadas poden formalizar a súa matrícula no Concello. Para máis información, pódese chamar ao teléfono 982 370 109 ou enviar un correo electrónico a info@concellodeguitiriz.com.