Abre o prazo de inscrición para o curso de cerámica de Guitiriz
TerraChaXa
O Concello de Guitiriz abrirá este luns, 6 de setembro, e ata o 30 do mesmo mes o prazo de matrícula do obradoiro de cerámica.
![curso de ceramica guitiriz](https://terrachaxa.com/wp-content/uploads/2021/09/curso-de-ceramica-guitiriz.jpg)
5 sep 2021
O Concello de Guitiriz abrirá este luns, 6 de setembro, e ata o 30 do mesmo mes o prazo de matrícula do obradoiro de cerámica que se impartirá desde outubro ata maio no soto da Casa Habanera.
Este curso levarase a cabo en dúas quendas, unha de mañá, de 11:30 a 13 horas e outra de tarde, de 18:30 a 20 horas. O prezo é de 20 euros ao mes e a inscrición pódese formalizar a través da sede electrónica municipal ou de xeito presencial no Rexistro pedindo cita previa no 982 370 109.
A actividade levarase a cabo seguindo un estrito protocolo para previr contaxios pola COVID-19.
![Cartel curso de cerámica](https://terrachaxa.com/wp-content/uploads/thumbs/2021/09/Cartel-curso-de-ceramica-scaled-200x282.jpg)