Abre o prazo de inscrición para un novo campus de rugby das Pontes
![CAMPUS DE RUGBY FENDETESTAS AS PONTES PORTADA](https://terrachaxa.com/wp-content/uploads/2023/08/CAMPUS-DE-RUGBY-FENDETESTAS-AS-PONTES-PORTADA.jpg)
O Fendetestas das Pontes organiza este verán a VI edición do Campus de Rugby, que terá lugar do 28 de agosto ao 1 de setembro. O prazo de inscrición para o mesmo xa está aberto e este remata o 8 de agosto.
Este Campus de rugby está dirixido aos máis novos de entre 4 e 16 anos, e levarase a cabo no campo artificial O Poboado.
O contido do campus centrarase en aprender as regras desta especialidade, as súas tácticas e as xogadas básicas con integrantes do equipo pontés. Tamén habrerá iniciación a outros deportes, visitas culturais e excursións.
As sesións irán das 10:00 ás 18:00 horas e os interesados en participar deberán facelo dirixíndose ao correo campus@crfendetestas.com. Haberá prezos diferentes dependendo do horario, xa que pode participarse só de mañá ou facendo o xantar e a pernoita. Os xogadores do club e os irmáns terán descontos.
![CAMPUS DE RUGBY FENDETESTAS AS PONTES](https://terrachaxa.com/wp-content/uploads/thumbs/2023/08/CAMPUS-DE-RUGBY-FENDETESTAS-AS-PONTES-200x282.jpg)