Abre o prazo de solicitude para a Escola Infantil de Outeiro de Rei
![escola infantil outeiro de rei](https://terrachaxa.com/wp-content/uploads/2021/03/escola-infantil-outeiro-de-rei.jpg)
Xa está aberto o prazo de solicitud de admisión para o curso escolar 2023/2024 na Escola Infantil Municipal de Outeiro de Rei, que poderá facerse ata o 2 de maio.
Durante este período de tempo os pais/nais ou titores dos nenos/as que estean na actualidade matriculados na Escola Infantil deberán presentar a solicitude de reserva de praza, no caso de querer continuar na escola infantil no próximo curso.
Paralelamente, os pais/nais ou titores de nenos/as que desexen acceder a este servizo no próximo curso escolar deberán presentar solicitude de inscrición.
Para ambos supostos hai modelos normalizados que poden obterse na escola infantil e no Concello de Outeiro de Rei; tamén, a través deste enlace accédese aos impresos ou premendo no banner que aparece na web municipal destinado Á Escola Infantil Municipal de Outeiro de Rei.