Abre o prazo para inscribirse nos campamentos de vela da Deputación
![CAMPAMENTOS VELA AS PONTES PORTADA](https://terrachaxa.com/wp-content/uploads/2023/07/CAMPAMENTOS-VELA-AS-PONTES-PORTADA.jpg)
Xa está aberto o prazo de inscrición para participar nos campamentos de vela organizados pola Deputación da Coruña.
Esta iniciativa está dirixida aos nenos e nenas, empadroados no Concello das Pontes, nacidos entre o 1 de xaneiro de 2005 e o 31 de decembro de 2014, ambos inclusive, sendo imprescindible que saiban nadar.
Os rapeces e rapazas que participen nesta campaña iniciaranse nos conceptos teóricos da navegación a vela, así como aos coñecemento básico dos nós mariños e realizarán prácticas de navegación a vela no lago das Pontes.
Para inscribirse nesta actividade é preciso achegar, xunto coa solicitude de inscrición, o certificado de empadroamento ou volante, unha fotocopia do DNI, ou do libro de familia e a copia de aboamento da cota de inscrición (logo de ser confirmada a praza por parte do concello)
As solicitudes deben recollerse e presentarse no departamento de deportes, ubicado no primeiro andar da Casa Consistorial, ata o día 19 de xullo, en horario de 09:00 a 13:00 horas
A formación desenvolverase entre o 31 de xullo eo 4 de agosto, en horario de mañá de 10.00 a 14.00 horas e en horario de tarde de 16.00 a 20.00 horas
![CAMPAMENTOS VELA AS PONTES](https://terrachaxa.com/wp-content/uploads/thumbs/2023/07/CAMPAMENTOS-VELA-AS-PONTES-200x282.jpg)