Abre o prazo en Meira para solicitar o servizo de conciliación para o vindeiro curso
En vista do éxito do ano anterior, o colexio de Meira conta de novo cun servizo de conciliación familiar neste curso 2024-2025, para aquelas familias que o necesiten antes da entrada do colexio ou á saída.
O Concello, sabendo a importancia que ten a conciliación, dispuxo este servizo de forma gratuíta para as familias dos colexios e, para iso, contou coa axuda da dirección do centro e da propia asociación de pais.
O horario será polas mañás, de 7.30 a 9.10 horas e polas tardes, de 14.45 a 17.30 horas e poden asistir todos os rapaces dende 4º de infantil ata 6º de primaria.
As persoas que desexen información poden solicitala no teléfono 629 302 039 e a inscrición debe realizarse na casa da cultura en horario de 9.30 a 13.30 e de 14.30 a 18.00 horas.