Abre un novo prazo de ingreso para o PAI da Pastoriza
TerraChaXa
O Concello da Pastoriza abriu un novo prazo de presentación de solicitudes de novo ingreso para o Punto de Atención á Infancia.
![PAI PASTORIZA](https://terrachaxa.com/wp-content/uploads/2022/09/PAI-PASTORIZA.jpg)
PAI PASTORIZA
7 Feb 2023
O Concello da Pastoriza abriu un novo prazo de presentación de solicitudes de novo ingreso para o Punto de Atención á Infancia no presente curso ao ter unha praza vacante sen que exista lista de espera.
O prazo de presentación de solicitudes remata o 7 de marzo e esta ten que facerse pola vía habitual no Rexistro do Concello.
Ademais de cubrir o impreso correspondente de solicitude, os interesados deberán presentar fotocopias dos DNI dos pais e do libro de familia, certificados de empadroamento e documentos xustificativos da súa situacion económica así como das incidencias familiares e sociais que podan influír na súa selección como seren familia numerosa, persoas con discapacidades ou similares.