Abre un novo prazo de inscrición nos campamentos de verán de Vilalba
O Concello de Vilalba anuncia que dende hoxe, martes día 23 de maio, ata o luns día 29, abre un prazo extraordinario de inscrición ata cubrir vacantes nos Campamentos de Verán.
Neste período especial non se aplicarán os baremos de selección e as prazas adxudicaranse por rigoroso orde de entrada no rexistro.
Os Campamentos Urbanos de Verán 2023 son unha iniciativa que ten como obxectivo permitir ás familias conciliar a vida persoal e laboral.
Haberá dúas quendas, a primeira do 3 ao 28 de xullo, e a segunda do 31 de xullo ao 25 de agosto, cada unha con 40 prazas dispoñibles. Os interesados pódense inscribir en ambas, sempre indicando unha delas como preferente.
A convocatoria vai dirixida aos nenos e nenas con idades entre os 5 e 12 anos (nados entre o 2018 e 2011), con preferencia para os empadroados en Vilalba, cun horario de actividades entre as 9.00 a as 14.00 horas.
O procedemento de inscrición será a través da sede electrónica do Concello ou presencialmente no rexistro xeral situado no 1.º andar do Concello (Teléfono: 982 510 305).
O custe será de 90 euros por quenda para cada un dos nenos ou nenas empadroados; 180 € para os non empadroados; e será de balde nos casos exentos previo informe de Servizos Sociais.
Pódense consultas as bases de inscrición así como o programa de actividades (suxeito a posibles variacións) na web do Concello.
