Adiantan o toque de queda en toda Galicia e acurtan horarios na hostalaría e o comercio
Tal e como adiantaba onte dende a Xunta, Galicia adianta a partir do venres o toque de queda unha hora, ás 22.00 horas e toda a hostalaría deberá pechar a partir das 18.00 horas deixando o horario límite dos comercios ás 21.30 horas. Así o anunciou hoxe o comité clínico, que insistiu moito na prudencia e en evitar as reunións con non conviventes, que están limitadas a catro persoas en toda a comunidade.
Estas novas restriccións engloban a todos os concellos e entrarán en vigor a partir das 00:01 horas deste xoves, polo que na comunidade autónoma só haberá dous niveis de restricións, os dous máis altos.
As aumentos de contaxios e casos activos en todas áreas sanitiras máis o crecemento da ocupación das UCI, do 22%, leváronlles a tomar esta decisión.
Recoméndase dende o comité retrinxir a actividade ao esencial e acudir ao traballo con normalidade aínda que se recomenda o teletraballo sempre que sexa posible.
AS MEDIDAS
As medidas son:
- Adiantar o toque de queda ás 22.00 horas.
- Os comercios deberán pechar ás 21.30 horas e o seu aforo seguirá limitado á metade, mentres que nos centros comerciais estará prohibido manter reunións persoais.
- A hostalería, pola súa banda, deberá pechar ás 18.00 horas en todo o territorio galego, cun 30% de aforo no interior e 50% no exterior nos municipios con nivel de restrición medio-alto, e só o 50% no exterior naqueles que se sitúen no nivel extremo.
- No que respecta a as reunións, estas estarán restrinxidas a un máximo de catro persoas en todos os municipios. Recomendan xuntarse o menos posible nos domicilios coas persoas non conviventes a partir das 18.00 horas, estendendo a advertencia a todo o día.
- Para as actividades deportivas haberá un número máximo de catro persoas e un aforo en interiores limitado ao 50%, mentres que os locais culturais (cinemas, auditorios, teatros...) só poderán albergar un máximo de 500 persoas ao aire libre e de 250 no interior, e sempre sentados.
- Un total de 63 municipios galegos, incluídas as sete cidades, quedarán pechados á mobilidade. Así, todas as cidades estarán pechadas a entradas e saídas salvo para as actividades esenciais, independentemente do nivel máximo de restricións ou nivel medio alto. Os peches son individuais, xa non haberá améndoas de varios concellos entre os que si se permita a mobilidade.
Feijóo anunciou que no nivel máximo de restricións situaranse un total de 60 concellos: 33 de máis de 10.000 habitantes cunha incidencia acumulada superior a 250 casos e 27 de menos de 10.000 habitantes.
Nestes municipios, prohíbese a mobilidade fóra dos seus límites, quedando illados de forma individual, mentres que o aforo nos centros comerciais rebáixase ao 30% e na hostalería só poderase consumir en terrazas ata as 18.00 horas e mediante o servizo a domicilio.