Alba Sinde, elixida como secretaria xeral do PSdeG en Castro de Rei

A voceira municipal liderará un equipo centrado na igualdade, o desenvolvemento e o futuro do concello

Alba Sinde, actual voceira no Concello de Castro de Rei, foi elixida como nova Secretaria Xeral do PSdeG nesta localidade.

Xunto a ela, o equipo de organización estará coordinado por Iria Campo Piñeiro; en Política Municipal, por Marcos Carballo Macía; no ámbito agropecuario, por Carlos Sinde Basanta; e en Muller e Mundo Rural, por María José Folgueira Lage.

Segundo destacaron desde o partido, este grupo nace coa misión de continuar traballando pola igualdade, impulsar o desenvolvemento e fortalecer o futuro de Castro de Rei, mantendo unha participación activa na vida política e social do municipio.