Alvariño faise coa prata na Copa do Mundo de tiro con arco disputada en México
TerraChaXa
O seteiro pontés Miguel Alvariño, do club Sílex, logrou facerse este domingo coa medalla de prata na final da Copa do Mundo de arco recurvo.
17 Out 2022
O seteiro pontés Miguel Alvariño, do club Sílex, logrou facerse este domingo coa medalla de prata na final da Copa do Mundo de arco recurvo, que se disputou na localidade mexicana de Tlaxcala.
O deportista, que hai sete anos xa se fixo con este prestixioso título, reservado á elite do tiro con arco mundial, perdeu a final ante o coreano Kim Woojin por 7-1. Alvariño competiu a un gran nivel, aínda que o coreano demostrou a súa gran calidade. O pontés clasificouse en cuartos de final tras vencer ao brasileiro Marco D´Almeida por 7-3, e na semifinal superou ao turco Mete Gazoz por 6-4.
Na final de consolación, loita pola medalla de bronce, o turco Mete Gazoz venceu por 6-4 ao coreano Kim Je Deok.