Amuruxe organiza este sábado unha merenda de Nadal

O programa inclúe actividades para todos os gustos, destacando un animado bingo e sesións de karaoke

Este sábado, 4 de xaneiro, a comunidade da Pastoriza ten unha cita ineludible coa Merendola Navideña, que terá lugar na escola ás 18:00 horas organizada polo colectivo Amuruxe. Este evento promete ser unha xornada chea de alegría, entretemento e momentos para compartir entre veciños e amigos.

O programa inclúe actividades para todos os gustos, destacando un animado bingo, sesións de karaoke e, por riba de todo, a oportunidade de gozar dunha tarde en boa compañía.

Organizadores e asistentes esperan que esta celebración sirva para pechar as festas de Nadal cun ambiente acolledor e cargado de boas vibracións.