Andrea Otero, distinguida como mellor manexadora na Moexmu
A XXIV edición do Concurso de Xóvenes Manejadores, organizado polo Club de Xóvenes Gandeiros de Galicia no marco da Moexmu, deixou como protagonista a Andrea Otero, da gandería Fontixón (Castro de Rei, Lugo), que foi recoñecida polo xurado, encabezado por Javier Freije, como a mellor manexadora do certame.
O segundo posto foi para Xabier Montes, representante de Casa do Rei (Rodeiro, Pontevedra), mentres que a terceira posición tamén viaxou ata Castro de Rei, da man de María Otero, igualmente da gandería Fontixón.
Este concurso non só destacou polo alto nivel técnico e o compromiso das persoas participantes, senón que tamén tivo valor puntuable dentro do Campionato Club Xóvenes Gandeiros de Galicia 2025. Así, os puntos sumados nesta xornada contarán para o cómputo xeral do campionato, que continúa a poñer en valor o traballo e a formación das novas xeracións no eido gandeiro galego.
