Andu Pereira doa dúas obras á biblioteca de Guitiriz e deixa unha mensaxe
A autora guitiricense Andu Pereira doou as súas obras Con el alma en penumbra e Palabras de auga y sal á biblioteca pública municipal de Guitiriz deixou unha nota para as lectoras e lectores.
"Os libros son a recompilación de poemas rescatados un a un da miña caixiña de mistos, onde cada un deles foi facéndose oco aos poucos, case sen querer, mentres eu ía vertiendo nel sorbitos de vida, uns doces e outros amargos, sazonados con pinceladas de fantasía, completando así un quebracabezas que comezou fai xa dezaseis anos. O primeiro foi froito da celebración do 10º aniversario do meu blog, e o outro o publiquei dous anos despois.
Neles reflíctense, a modo de espello, sentimentos, soños e pensamentos íntimos, escritos, uns, neses días nos que a alma está en penumbra, e outros, a corazón aberto ás caricias do sol, aderezados con palabras de auga e sal, con toda a gama de connotacións que encerran as bágoas vertidas, segundo o seu motivo, e sempre consciente da empatía que provocan".