Antón Niñe presenta en Meira o seu libro sobre os escultores da familia de Xosé Rivas
![presentacion libro escultores xose rivas e fillos portada](https://terrachaxa.com/wp-content/uploads/2023/07/presentacion-libro-escultores-xose-rivas-e-fillos-portada.jpg)
O salón de plenos do Concello de Meira acolle este sábado, 8 de xullo, ás 12.00 horas, a presentación do libro Unha familia de escultores. Xosé Rivas e fillos. De Riotorto camiño a Compostela, obra de Antón Niñe Fernández.
O acto de presentación contará coa participación do alcalde da localidade, Antonio de Dios Álvarez; do profesor Bernardo Peñabade Rei e do propio autor.
José Niñe é veciño de Foz. Foi Profesor de Relixión no IES Perdouro de Burela. Exerceu a presidencia da A.C. Os Matos. Durante varios anos coordinou a revista Maruxía e diversos traballos de investigación publicados pola Asociación.
Colabora coa parroquia Santiago de Foz e con diversas institucións e asociacións da vila e da Mariña.
Ten publicados moitos artigos en prensa e colaborado en programas de radio e televisión. Tamén realizou varias exposicións de fotografía.
No ano 2004 o Concello de Foz concedeulle o Premio “Manuel María” polo seu labor cultural.
![presentacion libro escultores xose rivas e fillos](https://terrachaxa.com/wp-content/uploads/thumbs/2023/07/presentacion-libro-escultores-xose-rivas-e-fillos-200x167.jpg)