Amigus organiza nas Pontes o campamento de verán tecnolóxico en agosto
![campamento-tecnoloxia-amigus](https://terrachaxa.com/wp-content/uploads/2024/07/campamento-tecnoloxia-amigus.jpg)
![](https://terrachaxa.com/wp-content/uploads/2024/07/campamento-tecnoloxia-amigus-cartel.jpg)
A Asociación Amigus das Pontes presentou unha nova edición do seu campamento de verán de ciencia e tecnoloxía 2024, que este ano presentará dous cambios. Primeiro, que se traslada do habitual Lar ó local do pulpo, a carón do parque da Fraga, e tamén atrasa a súa celebración ata a terceira semana de agosto.
O campamento terá unha duración de 5 días, de luns a venres, en horario de 9 a 14 horas e as inscripcións poderán facerse dende o día 15 de xullo.
Como vén sendo habitual, as rapazas e rapaces entre 5 e 14 anos poderán descubrila ciencia na cociña, aprenderen interactivamente sobre botánica, ou descubrir sobre o cosmos no planetario inchable. Por suposto tamén programarán e montarán distintas placas de programación, farán experimentos ou mesmo manualidades. Ademais este ano contarán cunha actividade de realidade virtual e volverán convidalos á merenda.
![campamento-tecnoloxia-amigus-cartel](https://terrachaxa.com/wp-content/uploads/thumbs/2024/07/campamento-tecnoloxia-amigus-cartel-200x282.jpg)