Árbol contará co seu magosto este domingo na Escola do Santo

Ademais de celebrar a tradicional festa de outono, terá lugar a Asemblea Xeral de Socios e a renovación de cotas para os membros da asociación

A Asociación Cultural e Deportiva de Árbol organiza a undécima edición do seu magosto este domingo 3 de novembro, a partir das 17:00 horas, na Escola do Santo. Durante o evento, ademais de celebrar a tradicional festa de outono con castañas, chourizos e liscos, terá lugar a Asemblea Xeral de Socios e a renovación de cotas para os membros da asociación.

O evento estará amenizado polo grupo musical Cerna de Árbol, que achegará o toque festivo á xornada. O magosto conta co apoio do Concello de Vilalba e promete unha tarde de diversión e boa comida para veciños e visitantes.