Arranca este sábado en Guitiriz o programa das festas de San Xoán
![fogueira-san-xoan-guitiriz](https://terrachaxa.com/wp-content/uploads/2024/05/fogueira-san-xoan-guitiriz.jpg)
![](https://terrachaxa.com/wp-content/uploads/2024/05/cartel-festas-san-xoan-guitiriz.jpg)
O San Xoán de Guitiriz xa ten listo o seu programa de festas que este ano terán lugar entre o 22 e o 25 de xuño cunha programación que organiza a asociación Ecce Homo en colaboración co Concello, a Comunidade de Montes San Xoán de Lagostelle e o colectivo empresarial.
As festas iniciaranse polo tanto o día 22, sábado, coa celebración da III edición da Festa da Xuventude, na que destaca a participación dos djs Celso Bayo e Iván Estevez aka dj Galvi. A festa dará comezo ás 22.30 horas pero haberá xa ese mesmo día unha sesión vermú con Os Trapeiros dos Vilares e Javi Show.
Rematará esta noite co concerto de La Última Legión.
Os actos do día 23 darán comezo cun pasarrúas de Sons da Aldea que se complementarán con varias actuacións a partir das 14.00 horas, en concreto da Banda de Música do Concello de Guitiriz, o Grupo Municipal de Gaitas e o Grupo da UNED Sénior. Ademais, haberá sesión vermú, neste caso a cargo de Eureka.
Pola noite haberá sardiñada gratuíta e Lume Novo de San Xoán a partir das 21.00 horas que se complementa coa verbena a cargo de Saudade e Eureka de novo.
O luns 24, terá lugar ás 14.15 horas a actuación de Mariachi Juvenil Mi Tierra, antes da sesión vermú, que estará cargo da orquestra Pontevedra. Esta mesma repetirá pola noite xunto a Cinema.
O martes 25 continuará a programación coa xornada dedicada á Festa dos Nenos, que será en horario de tarde. Pero, pola mañá está prevista a actuación do Grupo Municipal de Gaitas de Guitiriz, a Coral de Xermolos e as Panderetieras Na Casa Zoqueiro.
A música de orquestra estará a cargo de Solara, en sesión de mañá e noite e La Fórmula, que actuará só na verbena.
![](https://terrachaxa.com/wp-content/uploads/2024/06/festa-xuventude-festas-guitiriz.jpg)
A Xunta de Galicia colabora coa III Festa da Xuventude que organiza este sábado a Asociación Cultural e Deportiva Ecce Homo de Guitiriz, no marco das festas de San Xoán da localidade. A Delegación Territorial de Lugo acolleu a presentación do evento coa participación do delegado, Javier Arias, e o representante da entidade organizadora, Jesús Ángel Fonte.
![cartel-festas-san-xoan-guitiriz](https://terrachaxa.com/wp-content/uploads/thumbs/2024/05/cartel-festas-san-xoan-guitiriz-200x279.jpg)