As bandas de Meira e Ribadeo tocaron no auditorio debido á choiva
![Captura de pantalla 2019 09 11 a las 8.52.41](https://terrachaxa.com/wp-content/uploads/2019/09/Captura-de-pantalla-2019-09-11-a-las-8.52.41.png)
O XXV Festival de Bandas de Ribadeo, do pasado sábado, trasladouse polo mal tempo ao auditorio municipal, que se encheu de público. Antes a Banda Municipal de Meira e a ribadense fixeron un pasarrúas desde a entrada do Teatro ata o parque de San Francisco.
No festival a Banda de Meira, dirixida por Francisco Javier García Canto, interpretou 'El abanico', de Alfredo Javaloyes; 'Moment for Morricone', de Morricone-de Meij; 'The second waltz'; de D. Shostakovich; 'The Beatles in concert', arranxada por W. Hautvast; 'Abba Gold', de R. Sebregts; e como bis tocou 'Mi gran noche', de Raphael.
E a Banda Municipal de Música de Ribadeo, que dirixe David Ballester Martínez, estreou estas pezas: 'Rosal de Plata', de Andrés Pérez; 'Antarctica', de Carl Wittrock; 'A Froghitters´ fantasy', de Bart Picqueur; e 'Heijamano', de Bert Appermont. Como bis intrepretou 'Medley Boleros II'.
Ademais os concelleiros Jorge Díaz e Pablo Vizoso e da presidenta de Amadores da Música, Elisa Álvarez, entregaron agasallos ás dúas bandas.