Actualidade

As festas da Nosa Señora da O en Canedo, Lourenzá celebraranse o terceiro fin de semana de maio, os días 17, 18 e 19.
O venres haberá verbena, que dará comezo cunha pulpada e churrascada servida polo Catering Rochela e amenizada polas orquestras Claxxon e New York.
O sábado haberá misa solemne seguida de procesión e sesión vermú coa orquestra Palladium.
Pola noite haberá verbena tamén coa orquestra Palladium á que acompañará o grupo Tekila.
Este último será o encargado de dar fin ás celebracións da Nosa Señora da O o domingo 19 de maio cunha sesión vermú que terá lugar despois da misa solemne e a procesión.
Tódolos actos se celebrarán baixo carpa para prever as inclemencias do tempo que se puideran presentar.