As Guerreiras Laranxas xogan a final dos play off exprés en Malaga
O Pescados Rubén Burela FS xogará directamente a final dos play off exprés de Primeira Feminina en Málaga, mañá domingo 28 de xuñ ás 17:30 horas.
Así, as Guerreiras Laranxas porán rumbo a Málaga para disputar a final do play off polo título de Primeira División.
Por outra banda, o presidente da Deputación de Lugo, José Tomé Roca, informou de que a Xunta de Goberno acordou concederlle un premio por importe de 25.000 euros ao Club Deportivo Pescados Rubén de Burela por promover e fomentar a igualdade real e efectiva entre homes e mulleres coa implantación do primeiro convenio colectivo do fútbol sala feminino en España.
Tomé Roca subliña que este premio “que outorgamos dende a área de Muller e Igualdade, pon en valor o compromiso do club por avanzar con pasos determinantes, como este convenio colectivo, cara unha sociedade máis igualitaria en todos os ámbitos, en especial no deportivo”. Así mesmo, o Presidente explicou que este convenio “é un paso moi importante para a sociedade, para o deporte feminino e para o fútbol sala en particular. O Pescados Rubén Fútbol Sala fixo historia, demostrou que a loita pola igualdade se foi con accións coma esta”.
Ademais, o mandatario provincial puxo o foco na importancia das medidas que recolle o convenio que aínda que “son aínda insuficientes para lograr esas condicións igualitarias, son pioneiras e non se viran ata o momento neste deporte feminino”.
Dende a Deputación de Lugo, dixo Tomé Roca, “recoñeceremos e estaremos sempre do lado daquelas iniciativas, medidas, proxectos e acordos ou convenios que, como nestes caso, camiñen cara unha igualdade real e efectiva entre os homes e mulleres e, polo tanto, cara unha sociedade mellor e máis xusta”.