As piscinas de Rábade abren coas mesmas tarifas que o ano pasado
LugoXa | TerraChaXa
Como en anos anteriores o seu horario será de 12 a 20 horas de xeito ininterrompido
![piscina-rabade](https://terrachaxa.com/wp-content/uploads/2023/07/piscina-rabade.jpg)
Piscina de Rábade
1 Xul 2024
Un ano máis as piscinas de Rábade abren hoxe, 1 de xullo, as súas portas para a tempada de verán. Estas instalacións están situadas a carón do Río Miño, nun entorno privilexiado, preto do edificio do Portazgo e da Ponte Medieval.
Como en anos anteriores o seu horario será de 12 a 20 horas de xeito ininterrompido ata o 31 de agosto. En canto ás tarifas, haberá acceso gratuíto para menores de 6 anos. Ademais, de 1 euro para os usuarios ata 14 anos e 3 para maiores de 14.
As piscinas estableceron tamén un bono de tempada de 20 euros (para tarifa individual) e 50 euros (familiar, que inclúe pais e fillos menores de idade). Os interesados en obter información poden facelo no teléfono 982 390 062.