As Pontes acolle o sábado o I Trofeo de Waterpolo
TerraChaXa
Está organizado polo club Marina Ferrol e o Concello
![trofeo-waterpolo-as-pontes](https://terrachaxa.com/wp-content/uploads/2024/07/trofeo-waterpolo-as-pontes.jpg)
Cartel
17 Xul 2024
Este sábado, 20 de xullo, celebrarase no lago das Pontes un trofeo de waterpolo cun formato festivo, non é preciso ter licenza federativa nin pertencer a clubs, a inscrición é libre e gratuíta.
Trátase dunha iniciativa organizada polo Concello das Pontes en colaboración co club Marina Ferrol.
Conta con dúas categorías, maiores de 16 anos mixto (nados no 2008 e anteriores) e menores de 16.
Serán equipos de 4 xogadores e xogadoras de campo máis un porteiro (9 xogadores como máximo por equipo)
O sistema de competición determinarase en función do número de equipos inscritos e o tempo de xogo de cada partido será de dúas partes de 12’ a tempo continuo.