As Pontes acolle o torneo nacional de bádminton Top Máster Sénior

Disputarase os días 1 e 2 de novembro entre as 10.00 e as 20.00 horas no pavillón polideportivo municipal

A localidade das Pontes acollerá a partir do venres o torneo nacional de bádminton Top Master Sénior, un evento puntuable para a liga nacional que se disputará os días 1 e 2 de novembro entre as 10.00 e as 20.00 horas no pavillón polideportivo municipal.

Está prevista a participación de ao redor de 100 xogadores nas modalidades individual masculino e feminino, dobres e dobres mixtos, procedentes de máis de quince clubs de todo o territorio nacional.