As Pontes acolle unha sesión de balonmán feminino de máximo nivel
![balonman feminino primeira elite as pontes portada](https://terrachaxa.com/wp-content/uploads/2023/08/balonman-feminino-primeira-elite-as-pontes-portada.jpg)
O vindeiro martes día 8 de agosto, ás 20:00 horas, os afeccionados/as ao Balonmán da comarca do Eume e Ferrolterra poderán desfrutar do mellor balonmán feminino no concello das Pontes, que acollerá o encontro de preparación de pretempada entre o Rubensa Conservas Orbe Balonmán Porriño e o Motive.Co Gijón Balonmano La Calzada, ambos equipos pertencentes á maxima categoría do Balonmán Nacional.
O encontro entre os dous equipos da Liga Guerreras Iberdrola servirá de punto de partida cara ao inicio da tempada 23-24 que dará comezo a fin de semana do 3 de setembro.
O encontro está encadrado dentro do proxecto de promoción do balonmán que a Federación Galega de Balonmán ten previsto na comarcas do Eume e Ferrolterra; ao igual que a Copa 5×5 de Balonmán na Rúa Deputación da Coruña que se celebrou no mes de maio nos concellos de Pontedeume e Ferrol.
Bruno López, presidente da Federación Galega de Balonmán destacou: “o Concello das Pontes nos deu todas as facilidades para dispor das súas instalacións e prestou toda a colaboración necesaria poder ofrecer aos afeccionados e afeccionadas da zona este encontro de balonmán feminino do máximo nivel, e de xeito gratuíto; é de agradecer a boa acollida desta iniciativa por parte da concellería de deportes; ogallá supoña a primeira de moitas actividades que levemos a cabo nas Pontes”.
A entrada será gratuita e as portas abriranse as 19:15 horas.
![balonman feminino primeira elite as pontes](https://terrachaxa.com/wp-content/uploads/thumbs/2023/08/balonman-feminino-primeira-elite-as-pontes-200x282.jpg)