As Pontes acollerá unha andaina contra o cancro este domingo
![as pontes contra o cancro andaina portada](https://terrachaxa.com/wp-content/uploads/2022/06/as-pontes-contra-o-cancro-andaina-portada.jpg)
A Asociación Española Contra o Cancro celebra este domingo, 12 de xuño, ás 11.30 horas a súa andaina solidaria co título As Pontes en marcha contra o cancro.
Esta actividade lúdico-deportiva ofrecerá un percorrido de seis quilómetros con saída diante do Concello para percorrer Perfolla, Sanda Calvo Sotelo, Tramo Lago, Carril Bici, Cancel IV e de volta ao Concello.
Trátase dun percorrido apto para todos os públicos.
As persoas interesadas poden inscribirse na Óptica Baamonde, El Baúl, Saavedra, Bar A Cepa, Cafetería Venus, Urbo Moda e Amas de Casa. Tamén se admiten inscrición a través da web e tamén aportacións sen necesidade de participar no evento. O custe é de 5 euros por adultos e 3 por nenos e nenas ata os 12 anos.
Todo o que se recade destinarase á investigación oncolóxica, a proxectos asistenciais e de prevención.
A Asociación agradece a participación masiva da sociedade pontesa e a colaboración das distintas institucións e empresas que fixeron posible a realización deste evento.