As Pontes acolle unha concentración de escolas de rugby de toda Galicia
TerraChaXa
Este domingo será día de rugby nas Pontes coa II Concentración de Escolas de rugby, organizada pola FGR e o club local Fendetestas.
22 Nov 2022
Este domingo será día de rugby nas Pontes coa celebración da II Concentración de Escolas de rugby, organizada pola FGR e o club local Fendetestas.
No mes de maio organizaron por primeira vez unha concentración, na que participaron os clubs do norte. Pero desta vez asumiron o reto de organizar un evento a nivel galego, con visita de todas as escolas de rugby.
Así está prevista a participación de 387 nenos e nenas de 14 clubes galegos polo que haberá un total de 70 partidos entre as distintas categorías.
A cita será ás 11.00 horas nas instalacións deportivas do Poboado.
