Barreiros organiza o desfile e baile de Entroido este venres
![begonte niños](https://terrachaxa.com/wp-content/uploads/2019/02/1-2-e1549468196972.jpg)
O Concello de Barreiros organiza o desfile e baile de Entroido este venres, 8 de marzo que será pola noite na praza do Concello.
Ás 21:00 horas dará comezo o desfile que terá lugar na praza do Concello, e en caso de que o tempo non acompañe trasladarase ao polideportivo.
A partir das 22:30 horas celebrarase a cea. O menú estará composto por empanada, entrantes fríos, churrasco, pan, bebida e postre. O prezo é de 17 euros por persoa. A venta e retirada de tarxetas pode facerse no Concello de Barreiros, de 9:00 a 14:00 horas e no teléfono 982 124 002 ata hoxe, 6 de marzo.
Rematada a cea terá lugar o baile de Entroido, que estará amenizado polo grupo musical Lecer e no se fará entrega dos premios do desfile.
Haberá premios para Infantil Individual de 30 euros ao 1º e 20 euros ao 2º, Infantil Parella de 40 euros ao 1º e 30 euros ao 2º, e Infantil Grupo de 60 euros ao 1º e 40 euros ao 2º. Na categoría de Adulto Individual serán de 50 euros ao 1º e 30 euros ao 2º, en Adulto Parella 60 euros ao 1º e 40 euros ao 2º, e en Adulto Grupo 100 euros ao 1º e 50 euros ao 2º. Na categoría de Comparsas e Charangas os premios serán de 300€ ao 1º, 250 euros ao 2º, 150 euros ao3º e 100 euros ao 4º. Se algún premio quedara deserto, a organización resérvase o dereito de poder asignalo a outros participantes doutras categorías.
Colaboran co Concello barreirense na organización do evento: Comerciantes de Barreiros, Os Macanudos, Habelas Hainas e Chao dos Navais.