Begonte acolle unha charla sobre o dano cerebral adquirido
O luns, 13 de outubro, terá lugar na Casa da Cultura de Begonte unha charla informativa titulada Coñecendo o Dano Cerebral Adquirido (DCA). Esta sesión, que se desenvolverá de 16:00 a 17:15 horas, ten como obxectivo sensibilizar e informar á comunidade sobre o dano cerebral adquirido, un problema de saúde que afecta a moitas persoas e que require apoio especializado.
A charla contará coa intervención de Pablo Freire Portela, traballador social da asociación Dano Cerebral Lugo, quen explicará en que consiste o DCA, as súas causas, consecuencias, e os recursos dispoñibles para as persoas afectadas e as súas familias.
Esta actividade, organizada en colaboración coa asociación Dano Cerebral Lugo e o Concello de Begonte, é aberta ao público e busca proporcionar información útil para comprender mellor esta condición e apoiar a integración das persoas afectadas na sociedade.
Para máis información, os interesados poden contactar coa asociación Dano Cerebral Lugo a través do correo electrónico traballosocial@adacelugo.org e inscribirse no 687 056 194 ou no 982 398 004.