Begonte conmemora o 8M cunha xornada especial durante o Entroido
O Concello de Begonte celebrará o Día Internacional da Muller cunha serie de actividades que poñerán en valor a loita pola igualdade de xénero. Este ano, a conmemoración do 8M unirase ao XIV Concurso de Disfraces e Comparsas, facendo visibles ámbalas dúas celebracións ao longo de toda a xornada.
O acto central terá lugar ao inicio do desfile de Entroido, coa lectura do manifesto do 8M. Ademais, durante todo o día, o pavillón de Baamonde acollerá a exposición Mulleres que cambiaron a historia, unha mostra que destaca figuras femininas de distintos ámbitos e nacionalidades, resaltando o seu papel fundamental no avance da sociedade e na conquista de dereitos fundamentais.
A programación do 8M en Begonte completarase cun curso sobre solo pélvico, que terá lugar o luns 10 de marzo ás 16:30 horas na Casa da Cultura.