Begonte contará en xullo cun campus de patinaxe
TerraChaXa
O prazo para inscribirse pecha o 28 de xuño e poderá realizarse a través da sede electrónica do Concello
Cartel do evento
3 Xuño 2024
O Concello de Begonte celebrará no mes de xullo unha nova edición do campus de patinaxe coincidindo co tempo de lecer dos pequenos e para axudar na conciliación da vida familiar e laboral.
O campus terá lugar do 15 ao 19 de xullo en xornada de mañá, entre as 9.00 e as 14.00 horas, e está dirixido a rapaces e rapazas de 3 a 16 anos.
Terá un custe de 40 euros para o público en xeral e de 30 para os empadroados, escolarizados ou participantes nas escolas deportivas de Begonte.
Os interesados en participar deberán inscribirse previamente. O prazo para facelo pecha o 28 de xuño e poderá realizarse a través da sede electrónica do Concello.
Os interesados en obter máis información poden poñerse en contacto co Concello no teléfono 982 396 143.