Begonte convoca para o 1 de xullo a súa carreira popular
TerraChaXa
O Concello de Begonte anunciou que este ano volverá a Carreira Popular do Concello de Begonte, que acadaría a súa VI edición.
31 Maio 2023
O Concello de Begonte anunciou a data da Carreira Popular do Concello de Begonte, que acadaría a súa VI edición.
A carreira terá lugar o 1 de xullo, sábado, no Club Fluvial e contará tamén cunha andaina. Novamente está prevista a celebración de varias carreiras por idades, ademais da competición absoluta, na que se percorrerán 7 quilómetros.
Esta cita co atletismo é xa un referente na comarca e todos os anos reúne en Begonte centos de persoas. En breve daranse a coñecer os detalles da mesma e abrirase o prazo de inscrición.
