Begonte recibe unha subvención para a mellora de camiños na parroquia de Uriz

Esta actuación contempla a mellora e reparación de camiños rurais municipais existentes que dan servizo a parcelas agrícolas das localidades do Monte e A Ponte

Obras

O Concello de Begonte recibiu a concesión dunha subvención para a realización da actuación denominada Plan de Mellora de Camiños municipais no Concello de Begonte.

Esta actuación contempla a mellora e reparación de camiños rurais municipais existentes que dan servizo a parcelas agrícolas das localidades do Monte e A Ponte, na parroquia de Uriz.

Trátase dunha pista e un ramal, ambos os bastante transitados, que dan servizo a edificacións, instalacións e parcelas agrícolas da zona.