Axenda

Os Biciclistas Galegos convocan en Vilalba unha nova cita esta fin de semana, concretamente o sábado, unha andaina nocturna.

Os Biciclistas Galegos, despois da organización da IV ruta solidaria en familia o pasado sábado 9 de xullo, convocan en Vilalba unha nova cita esta fin de semana, concretamente o sábado.

Trátase dunha andaina nocturna que terá lugar a partir das 21.00 horas con saída da praza da Constitución. Nesta cita terán lugar distintas distancias e distintas alternativas sinalizadas.

Os participantes deberán levar linterna e para participar terán que pagar un prezo de 3 euros que inclúe seguros, avituallamento e marcaxe.