Bretoña celebra o día 30 a XII edición da súa Ruta do Cabalo
A Asociación Amigos do Cabalo Os de Bretoña continuará coa súa tradicional Ruta do Cabalo o sábado 30 de agosto na que será a súa XII edición.
Esta proba, que non ten carácter competitivo, consiste nun paseo a cabalo no que poden participar todos os que queiran sempre que se fagan responsables do seu propio animal
A programación da xornada dará comezo ás 10.00 horas coa recepción dos participantes no campo da festa de Bretoña.
Ás 10.30 dará comezo a ruta, que se prolongará ata as 14.30 horas e na que se fará unha parada a media mañá para beber e para uns pinchos.
Finalizarán esta concentración ecuestre cunha comida dos participantes no propio campo da festa, comida que estará amenizada por DJ Billy La Para.
Neste xantar poden participar todas as persoas que o desexen, vaian a cabalo ou non. O menú consistirá en lacón, polbo, churrasco, sobremesa, café e licores a un prezo de 30 euros.
Os interesados en sumarse a esta actividade deberán apuntarse ata o 27 de agosto nos teléfonos 689 606 003 ou 606 394 432.