Bretoña, na pastoriza, celebra a Festa do Oito o luns

O día dará comezo ás 13.30 horas, cunha misa, procesión e sesión vermú a cargo do dúo Venus. A continuación, terá lugar un xantar baixo a carpa

A localidade de Bretoña, na Pastoriza, celebra as súas Festas do Oito, na honra a Santa María, o luns 8 de setembro.

O día dará comezo ás 13.30 horas, cunha misa, procesión e sesión vermú a cargo do dúo Venus. A continuación, terá lugar un xantar baixo a carpa.

Xa pola tarde, a partir das 18.30 horas, volverán a actuar o dúo Venus e, nesta ocasión, xunto ao dj Billy. A maiores, haberá inchables e xogos tradicionais para amenizar o día, así como un sorteo de agasallos.

O menú consistirá en polbo, xamón cocido, churrasco, sobremesa, café e licores a un prezo de 30 euros para adultos e de 15 para nenos entre 10 e 15 anos. Haberá que reservar antes do 3 de setembro en Casa Luciano, Casa Zapateiro e Talleres Martínez.