Burela promociona o túnido en Salamanca antes da Feira do Bonito de primeiros de agosto
TerraChaXa | AMariñaXa
Unha delegación burelesa, encabezada polo alcalde, Alfredo Llano, viaxou ata Salamanca para facer promoción da Feira do Bonito, da pesca e dos atractivos turísticos de Burela no Centro Galego.
![adaines_podium 768x432](https://terrachaxa.com/wp-content/uploads/2019/07/adaines_podium-768x432.jpg)
22 Xul 2019
Unha delegación burelesa, encabezada polo alcalde, Alfredo Llano, viaxou ata Salamanca para facer promoción da Feira do Bonito, da pesca e dos atractivos turísticos de Burela no Centro Galego. Ata a cidade salmantina se desprazaron membros de A Moncloa, da Sociedade Cultural Ledicia así como a historiadora Herminia Pernas.
Primeiro desenvolvéronse unha serie de intervencións e a continuación tivo lugar unha degustación de bonito, elaborado en diversas preparacións polo restaurante O Pazo Couñago. Os asistentes puideron probar o bonito en marmitako, á plancha, cocido, asado e en empanada.
Desde Absa enviáronse 20 quilos de túnido para facer esta promoción. Desde o Concello levaron tamén material con información turística e convidaron aos asistentes a acudir a Burela á Feira do Bonito, que se celebra a primeira fin de semana agosto ou a visitar a localidade en calquera época do ano.
Houbo intercambio de agasallos entre o Centro Galego e o Concello de Burela. Alfredo Llano fixo unha valoración moi positiva desta acción e subliñou "a acollida extraordinaria que nos brindaron no Centro Galego de Salamanca, ata o que se desprazaron varios concelleiros, senadores e deputados provincias, ademais de representantes da Universidade".