Cabreiros acolle un curso gratuíto de defensa persoal feminina
O Concello de Xermade, en colaboración coa Xunta de Galicia e a Asociación de Veciños de Cabreiros, celebrará o vindeiro domingo 19 de xaneiro unha formación gratuíta de defensa persoal feminina na Casa Escola de Cabreiros. O curso desenvolverase en dúas sesións: pola mañá, de 9:30 a 13:30 horas, e pola tarde, de 15:30 a 19:30 horas.
Esta iniciativa ten como obxectivo dotar ás mulleres de ferramentas físicas e psicolóxicas que lles permitan afrontar situacións de risco ou violencia de xénero en calquera ámbito da súa vida. Durante o curso, monitoras e monitores especializados impartirán adestramentos prácticos e teóricos, enfocándose en protocolos de actuación eficaz fronte a diferentes escenarios de perigo.
A inscrición é totalmente gratuíta e pode formalizarse a través do número de WhatsApp 678 744 178, en contacto coa educadora familiar do Concello.