Cambian o alumeado en tres rúas do centro de Vilalba
![farolas led alumeado](https://terrachaxa.com/wp-content/uploads/2021/02/farolas-led-alumeado.jpg)
O Concello de Vilalba continúa co proceso de renovación do seu alumeado público municipal, nesta ocasión coa instalación de novas luminarias en varias rúas do casco urbano, unhas tarefas que estarán rematadas esta mesma semana.
En concreto, o concello instala 23 novas luminarias de 80 watios na rúa Plácido Peña con báculos de dez metros (ata o de agora eran de oito), 21 luminarias de 40 watios na rúa Castelao e sete luminarias na rúa As Pontes de García Rodriguez.
En total, 51 novos puntos de tecnoloxía LED, o que incrementa a eficiencia enerxética e a visibilidade lumínica, reducindo reduce o consumo e as emisións de C02.
“Un paso máis na nosa aposta pola renovación da rede de alumeado público, con tecnoloxía LED para mellorar a eficiencia e reducir a contaminación”, explica Luis Fernández, concelleiro de Infraestruturas.
Esta actuación únese ao acendido, o pasado venres, de 89 novos puntos de luz que levaban máis de dez anos sen funcionar no paseo fluvial.