Cancelado en Burela o espectáculo 'Pesadilla en la comedia'
TerraChaXa | LugoXa | AMariñaXa
A compañía Producciones Teatrales S.
![140420 Beirarruas Castro de Rei III](https://terrachaxa.com/wp-content/uploads/2020/04/140420-Beirarruas-Castro-de-Rei-III.png)
31 Out 2020
A compañía Producciones Teatrales S.L. decidiu cancelar o espectáculo de humor Pesadilla en la comedia, protagonizado por Enrique San Francisco e Miki Dkai previsto para o vindeiro sábado, 7 de novembro no auditorio municipal de Burela, dada a alerta sanitaria derivada do covid-19 e a limitación de aforo a 60 persoas imposta pola Xunta de Galicia para os eventos culturais que se realicen en recintos pechados.
O concelleiro de Cultura, José Díaz, lamenta “as molestias ocasionadas e trataremos de reprogramar máis adiante dito espectáculo. O importe das entradas xa mercadas será devolto automaticamente a través da plataforma online de ataquilla.com”.