Carballo, en Friol, prepárase para celebrar as festas na honra a San Benito 2025

O 4 de maio celebrarase o tradicional Domingo das Poxas, con misa ás 13:30 horas, unha das citas máis esperadas polos veciños e visitantes

A parroquia de Carballo, no concello de Friol, acollerá esta fin de semana as tradicionais festas en honra a San Benito, cun completo programa relixioso e musical.

O día grande será o sábado 3 de maio, cunha intensa xornada de celebracións. Están previstas misas ás 10:00, 11:00 e 12:00 horas, sendo a misa solemne ás 13:00. A continuación, terá lugar a sesión vermú e xa pola noite celebrarase unha animada verbena a cargo do grupo Master, encargado de poñer a música e o ambiente festivo.

O domingo 4 de maio celebrarase o tradicional Domingo das Poxas, con misa ás 13:30 horas, unha das citas máis esperadas polos veciños e visitantes. Como colofón das festas, o mércores 7 de maio oficiarase unha última misa ás 17:30 horas.